हराएको एन्ड्रोइड फोन पत्ता लगाउने उपाय

तपाईंले चलाएको एन्ड्रोइड अपरेटिङ सिस्टमयुक्त स्मार्ट मोबाइल फोन अकस्मात हरायो । मोबाइल फोन त हरायो नै, त्यसभित्र रहेका सम्पर्क नम्बरदेखि आफूले राखेका सुरक्षित डाटाहरूसमेत फोनसँगै हराउँदा जो–कसैलाई थप पीडा हुन्छ ।
यद्यपि आफूले कतै छुटाएको वा हराएको फोन कुन ठाउँमा छ भनेर आफैंले पत्ता लगाउन सकिन्छ । आफ्नो हराएको फोन आफ्नो कम्प्युटरको मद्दतले फेला पार्न सकिनेछ । यसका लागि आफ्नो गुगल एकाउन्टमा लग इन गरेर एन्ड्रोइड डिभाइस म्यानेजरमा जानुपर्ने हुन्छ । गुगल सर्चमा ‘एन्ड्रोइड डिभाइस म्यानेजर’ टाइप गरियो भने यसको लिंक प्राप्त हुनेछ । प्राप्त लिंकमा क्लिक गरेर एन्ड्रोइड डिभाइस म्यानेजर भित्र प्रवेश गर्न सकिन्छ ।
एन्ड्रोइड डिभाइस म्यानेजरभित्र पस्नासाथ त्यहाँ हराएको फोनको साथमा गर्न मिल्ने तीनवटा कुरा देख्न सक्नुहुनेछ । ‘प्ले साउन्ड’ भन्ने अप्सन थिच्नुभयो भने तपाईंको फोन साइलेन्ट मोडमै भए पनि ५ मिनेटसम्म बज्नेछ र त्यो आवाजको सहायताले आफ्नो फोन फेला पार्न सकिन्छ । 
त्यसैगरी तपाईंसँग दोस्रो अप्सन उपलब्ध छ ‘लक’ को । आफ्नो फोन जुन मान्छेसँग छ, उसलाई फोन लक गरेर संदेश छोड्न सकिन्छ । यसका लागि एन्ड्रोइड डिभाइस म्यानेजरमा ‘लक’ क्लिक गरेर आफ्नो फोन लक गर्दै लक स्क्रिनमा केही सन्देश छोड्नुपर्ने हुन्छ । यहाँ आफ्नो अर्कै फोन नम्बर पनि हाल्न सकिन्छ । यसरी फोन लक भैसकेपछि फोन भेट्ने व्यक्तिले आफ्नो सन्देश र आफूले दिएको नयाँ फोन नम्बर प्राप्त गरेर फोन फिर्ता गर्न सक्छ । 
यसैगरी एन्ड्रोइड डिभाइस म्यानेजरमै आफ्नो फोन कहाँछ भनेर गुगल म्यापमै पनि फोनको लोकेसन फेला पार्न सकिन्छ, जसले गर्दा आफ्नो फोन कहाँ हराएको थियो भन्ने कुरा पत्ता लाग्छ अथवा कसैले उक्त फोन फेला पारेर कुन ठाउँमा पु¥याएको छ भनेर समेत जानकारी प्राप्त गर्न सकिन्छ ।
यदि कुनै पनि तरिकाले हराएको फोन भेटिदैन जस्तो लाग्छ तर तपाईंको फोनमा गोप्य अनि महत्वपुर्ण डाटाहरू छन् भने पनि चिन्तित हुनु आवश्यक छैन । यसका लागि ‘इरेज’ भन्ने अप्सन दिएको छ डिभाइस म्यानेजरले । इरेज गरिसकेपछि आफ्नो फोनका डाटाहरू स्थायी रूपमै मेटिनेछन् र इरेज गरेको समयमा उक्त फोन अफलाइन छ भने, अनलाइन भएको समयमा इरेज हुन थाल्नेछ ।
ध्यान राख्नुपर्ने कुरा के छ भने यदि हराएको फोन भेट्ने व्यक्तिले फेला पर्नेबित्तिकै ‘फ्याक्ट्री रिसेट’ गरिदियो भने माथि उल्लिखित कार्य गर्न सकिनेछैन । यसका साथै हराएको फोन अफ छ भने पनि समस्या हुनेछ तर अफ हुनुभन्दा अघिसम्मको फोनको लोकेसन चाहिं प्राप्त गर्न सकिनेछ ।

Advertisements

एक रातमै संसार हल्लाएको रान्समवेयर

१२ मे २०१७ को राति नेपालीहरू निदाइरहेका बेला पश्चिमा मुलुकहरूमा एक प्रकारको आक्रमण भयो । भौतिक क्षति केही नभए पनि त्यसले उत्तर अमेरिका तथा युरोपमा केही घण्टामै उथलपुथल ल्यायो । त्यो आक्रमण थियो वानाक्रिप्ट नामक रान्समवेयरको साइबर आक्रमण ।

के हो वानाक्रिप्ट रान्समवेयर ?:

वानाक्रिप्ट एक प्रकारको रान्समवेयर हो जसले माइक्रोसफ्टको विन्डोज अपरेटिङ सिस्टममा क्षति पुर्‍याउँछ । रान्समवेयर यस्तो मालवेयर (भाइरसजस्तै सफ्टवेयर जसले कम्प्युटरलाई हानि पुर्‍याउँछ) हो, जसले कम्प्युटरमा रहेको महत्वपुर्ण सफ्टवेयर तथा फाइललाई निकै कठिन पासवर्डले लक गरिदिन्छ, जसलाई प्राविधिकहरू इन्क्रिप्सन भन्छन् । रान्समवेयर बनाउनुको मुख्य उद्देश्य कम्प्युटर प्रयोगकर्तालाई दुख दिनु मात्र नभएर उनीहरूसँग पैसा असुल्नु पनि हो । पैसा असुलेपछि सामान्यतया ह्याकरहरूले प्रयोगकर्ताको फाइल डिक्रिप्ट अर्थात अनलक गरिदिन्छन् ।

कसरी फैलियो ?:

जब ‘द स्याडो ब्रोकर्स’ नामक ह्याकर समूहले १२ मे को दिन वानाक्रिप्ट रान्समवेयर फैलाउन थाले, प्रयोगकर्ताको लापरवाही, नेटवर्क सञ्जालमा भएका केही गम्भीर त्रुटि तथा कमजोर सुरक्षा प्रणालीका कारण त्यसले प्रश्रय पायो । इमेल तथा सामाजिक सञ्जालमा लिंकको माध्यमबाट फैलिएको रान्समवेयरले कम्प्युटर प्रयोगकर्ताहरूको लापरवाहीका कारण उनीहरूको कम्प्युटरलाई निसाना बनायो भने त्यही कम्प्युटरको सहयोग लिँदै अरू नेटवर्कमा फैलँदै गयो । युरोप र अमेरिकाको दूरसञ्चार तथा सफ्टवेयर कम्पनीहरू मात्र नभै बेलायतको राष्ट्रिय स्वास्थ्य सेवा, रेनल्ट तथा निसान मोटर कम्पनी यसको पहिलो सिकार भए । विस्तारै यो साइबर आक्रमण विकराल रूप लिँदै कम्तीमा १ सय ५० देशमा फैलियो, जसका कारण संसारभरका साना–ठूला कम्पनी तथा घरेलु प्रयोगकर्ता पीडित हुन पुगे ।


माइक्रोसफ्ट विन्डोज प्रयोगकर्ताले इमेल, इन्टरनेट वा अन्य कुनै स्रोतमार्फत प्राप्त रान्समवेयरको लिंकमा क्लिक गर्दा उक्त रान्समवेयर आफ्नो कम्प्युटरमा इन्स्टल हुन्छ र त्यो कम्प्युटरलाई प्रयोगकर्ताले खोल्नै नसक्ने गरी लक गरिदिन्छ भने उक्त कम्प्युटरको नेटवर्कमार्फत अरू कम्प्युटरमा समेत फैलन्छ, जसले अरू कम्प्युटरलाई पनि सिकार बनाउँछ । त्यसपछि उक्त कम्प्युटरको डाटा चाहिएको खण्डमा प्रयोगकर्ताले बिटक्वाइन (एक किसिमको भर्चुअल मुद्रा) को माध्यमबाट ३ दिनभित्र ३ सय अमेरिकी डलर अथवा ७ दिनभित्र ६ सय अमेरिकी डलर ह्याकरलाई तिर्नुपर्ने हुन्छ । अहिलेसम्मको तथ्यांक अनुसार २ सय १४ भन्दा बढी पीडितले ५६ हजार अमेरिकी डलरभन्दा बढी रकम ह्याकरलाई तिरेको पाइएको छ । रान्समवेयरको आक्रमण अहिलेसम्म पूर्ण नियन्त्रणमा नआएका कारणले यो तथ्यांक अझ बढ्ने पक्का छ ।


चमत्कारिक नियन्त्रण:

@malwaretechblog ट्विट ह्यान्डल प्रयोग गर्ने एक प्रविधि शोधकर्ता अकस्मात तब हिरो बन्न पुगे जब उनले अनजानमा त्यो रान्समवेयरलाई फैलनबाट रोक्न सफलता प्राप्त गरे । विशेषज्ञहरूका अनुसार रान्समवेयरले फैलन एउटा विशेष वेब ठेगाना खोज्थ्यो, जुन ठेगाना इन्टरनेटमा नभएको खण्डमा उक्त रान्समवेयरले काम गथ्र्यो । @malwaretechblog का शोधकर्ताले अन्जानवश उक्त वेब ठेगाना किनेर रान्समवेयरलाई नियन्त्रणमा ल्याएका थिए । यद्यपि अहिले त्यो वेब ठेगाना भए पनि काम गर्ने रान्समवेयर फैलन थालेको केही विशेषज्ञ बताउँछन् ।

जोगिने उपाय:

रान्समवेयर, माइक्रोसफ्टको विन्डोज १० भन्दा पुरानो अपरेटिङ सिस्टममा हुने कमजोर सुरक्षा प्रणालीका कारण फैलने हुनाले विन्डोज एक्सपी, भिस्टा, ७, ८ तथा ८.१ का प्रयोगकर्ताहरू सचेत हुनुपर्छ । रान्समवेयर फैलिएकै दिन माइक्रोसफ्टले एउटा सुरक्षा अपडेट वितरण गरेको छ, जसलाई इन्स्टल गरे रान्समवेयरबाट जोगिन सकिन्छ । त्यस्तै आफ्नो साथी वा अपरिचित व्यक्तिले म्यासेजमा पठाएको शंकास्पद लिंकमा क्लिक नगर्दा तथा असुरक्षित सफ्टवेयर डाउनलोड नगर्दा पनि रान्समवेयरबाट जोगिन सकिन्छ ।


ह्याकरलाई पैसा तिर्दैमा पाइँदैन डाटा फिर्ता:

विशेषज्ञहरूका अनुसार, डाटा फिर्ता प्राप्त गर्न केही पीडितले पैसा तिरे पनि उनीहरूको डाटा फिर्ता भएको छैन । विशेष किसिमको इन्सक्रिप्सन प्रयोग गर्दा पनि रान्समवेयर अपुरो रहेको विशेषज्ञहरू बताउँछन् । पीडितले फिरौतीबापत ह्याकरहरूले दिएको चारमध्ये कुनै एक बिट वालेट (बिटक्वाइन खाता) मा रकम पठाउनुपर्ने हुन्छ । रान्समवेयर अपुरो रहेका कारण लक भएका ती कम्प्युटर खोल्न ह्याकर आफैं उपस्थित हुनुपर्ने हुन्छ, जुन सम्भव छैन । त्यसकारण डाटा फिर्ता प्राप्त हुने कुरा असम्भव जस्तै देखिन्छ ।


सन् २०१६ मा पहिलो पटक चर्चामा आएको ह्याकर समूह ‘द स्याडो ब्रोकर्स’ नै रान्समवेयरको निर्माता हो तर यो समूहका सदस्यहरू को हुन् र कहाँ बस्छन् भन्ने कुराको जानकारी कसैलाई छैन यद्यपि १२ मेको यो साइबर आक्रमणपछि उनीहरू निकै चर्चित भएका छन् ।
(Source: साप्ताहिक)

फेसबुकमा लुकाएको फ्रेण्ड लिस्ट कसरी हेर्ने ?

Facebook-Friendसोसल मिडियामा फेसबुक एउटा यस्तो प्लेटर्फम बनेको छ जहाँ हरेक जो कोही एक अर्कोसँग जोडिएको हुन्छ ।

कतिपय फेसबुक प्रयोगकर्ताले आफ्नो फेसबुकमा रहेका फेसबुक फ्रेण्डको सूचिलाई लुकाउने वा हाइड गर्ने गर्दछन् । ता की उसका को को र कति साथी छन् भन्ने कुरा अरुले नदेखुन् ।

यसरी हाइड गरेपछि म्युचुअल फ्रेण्ड बाहेक अन्यको सूचि अरुले देख्न पाउँदैनथे । तर फेसबुकमा अरुले नदेखून् भनेर यसरी लुकाइएका साथीका सूचि गोप्य राख्न भने नसकिने भएको छ ।

किनकी यसरी तपाइँले हाइड गरेको फ्रेण्डलिष्ट तपाइँको फेसबुके साथीले सजिलैसँग हेर्न सक्दछ, यदि जुक्ति लगाउनेहो भने ।

तपाइँको कुनै फेसबुके साथीले यदि फ्रेण्ड लिष्ट हाइड गरेको छ र उसका फेसबुकमा को को साथी छन् भनी सबैको सूचि हेर्न चाहनुहुन्छ भने यसो गर्नुस्ः

. सबैभन्दा पहिले गुगल क्रोम ब्राउजरमा फेसबुक फ्रेण्ड म्यापर एक्सटेन्सन इन्स्टल गर्नुहोस् ।

· सोही ब्राउजरमा फेसबुक अकाउन्ट लगइन गर्नुहोस् । तपाइँले जुन साथीको फ्रेण्ड लिष्ट हेर्न चाहनुहुन्छ उसैको फेसबुक आइडी सर्च गरी वालमा जानुहोस् ।

· फेसबुक वालमा रहेको फ्रेण्डस नामक अप्सनमा क्लिक गनुहोस् ।

· त्यसपछि त्यहाँ एउटा reveal friends नामक अप्सन आउनेछ । तपाइँको क्रोम ब्राउजरमा फेसबुक फ्रेण्ड म्यापर एक्सटेन्सन भएमात्र यो अप्सन देखा पर्नेछ ।

· उक्त अप्सनमा क्लिक गरेसँगै लुकाइएका फेसबुके साथीको सूचि स्क्यान सुरु हुन्छ ।

· स्क्यानिंग पूरा भएसँगै तपाइँले आफ्नो फेसबुके साथीले हाइड गरेको फ्रेण्ड लिष्ट देख्न सक्नुहुन्छ। 

Know in 1 minute who is observing your Facebook

Facebook is the easy medium for getting other’s information and photo. People take information of each other even though they are not friends.
But, you may have not been able to know who is observing your Facebook.You can take a help from Google Chrome extension to facilitate a rapid information about your Facebook profile observation.
The new look will appear on your Facebook after adding the Chrome extension. This will inform you about the people who are observing your Facebook.


What to Do?


The first step:-

Firstly, keep this Google Chrome extension. Type Facebook Flat on Chrome. Click “Add to chrome” to add Facebook Flat on Google’s Chrome Webstore. A few minutes later, message will come saying “Added to Chrome”.


The second step:-

Go to Facebook profile and refresh after adding this extension. All icon appears on the left bar. There is also a green button for feed.


The third step:-

If you see a binocular shaped icon on left panel, then click it. Now, this icon will show who are observing your face book.

आफ्नो गुगल अकाउण्टका सबै गतिविधि यसरी थाहा पाउनुस्

  

तपाइँको जिमेल अकाउण्टमा धेरै गोप्य कुराहरु राख्नु भएको हुनसक्छ । आफ्नो बैंक अकाउण्टका विवरण, विभिन्न खाले गोप्य तथा संवेदनशील कागजातका विवरण, साथी तथा परिवारको इमेल आदि आदि । त्यसैले यस्तो संवेदनशील जिमेल अकाउण्टलाई सुरक्षित राख्न र ह्याकरबाट बचाउनका लागि तपाइँ सधै चनाखो बन्नुपर्छ ।

गुगल ड्यासबोर्डको प्रयोग गरी तपाइँले आफ्नो जिमेल अकाउण्टमा हरेक समय नजर राख्न सक्नुहुन्छ ।

तपाइँलाई यसमार्फत हरेक महिना यस्तो रिपोर्ट प्राप्त हुन्छ जसले तपाइँको लगइनका बारेमा सम्पूर्ण जानकारी प्रदान गर्दछ ।

गुगल ड्यासबोर्ड कसरी सेटअप गर्ने ?

सबैभन्दा पहिले आफ्नो जिमेल अकाउण्टमा लगइन गर्नुहोस् । त्यसपछि आफ्नो प्रोफाइल पिक्चरमा क्लिक गर्नुहोस् र त्यहाँ रहेको माइ अकाउण्ट अप्सन छान्नुहोस् ।

त्यसपछि तपाइँले आफ्नो गुगल अकाउण्ट पेज देख्नुहुनेछ । तपाइँले त्यहाँ रहेको पर्सनल इन्फो एण्ड प्राइभेसी अप्सनमा गएर अकाउण्ट ओभरभ्यू छान्नुपर्नेछ ।

त्यहाँ तपाइँले भ्यू ड्यासबोर्ड नामक अप्सन देख्नुहुन्छ । त्यहाँ तपाइँले आफ्नो जिमेल अकाउण्टको पासवर्ड हाल्नुपर्ने हुनसक्छ ।

ड्यासबोर्डमा तपाइँले आफ्नो गुगल अकाउण्ट तथा गुगल सर्भिस जस्तै यु ट्युब, गुगल न्युज, गुगल ड्राइभ, गुगल प्लस, गुगल प्ले तथा म्याप्स जस्ता आफुले प्रयोग गरेका सर्भिसहरुको जानकारी प्राप्त हुनेछ ।

ड्यासबोर्डमा तपाइँले सेण्ड मी मन्थ्ली रिमाइन्डर टू चेक माइ अकाउण्ट एक्टिभिटी नामक अप्सनको अगाडि रहेको बक्समा क्लिक गर्नुहोस् ।

त्यसपछि गुगलले तपाइँको गुगल अकाउण्टसँग सम्बन्धित विभिन्न जानकारीहरु हरेक महिना तपाइँको जिमेल इनबक्समा पठाइदिनेछ ।

तपाइँको गुगल अकाउण्टमा भएका सबै गतिविधिको जानकारी तपाइँले प्राप्त गरेसँगै तपाइँले कतै आफ्नो कुनै गुगल अकाउण्ट कुनै व्यक्तिले ह्याक गरेर गलत रुपमा प्रयोग गरिरहेको त छैन ? भन्ने जानकारी पनि प्राप्त गर्न सक्नुहुन्छ । यसले गुगल अकाउण्टको सुरक्षामा तपाइँलाई चनाखो बनाइदिनेछ ।

आफ्नो फेसबुक प्रोफाइल कसले हेर्यो ? यसरी थाहा पाउनुस्

  

अहिले आफुले जान्न चाहेको व्यक्तिका बारेमा बुझ्न निकै सजिलो भएको छ । फेसबुक लग्इन् गर्यो अनि सम्बन्धित व्यक्तिको प्रोफाइल खोजेर हेर्यो । तपाइँले सायद धेरैपटक यसो गर्नुभएको छ होला । अनि तपाइँको बारेमा जान्नका लागि तपाइँको फेसबुक प्रोफाइल हेर्ने मानिसहरु पनि त होलान् नी । आफ्नो फेसबुक प्रोफाइल कस कसले हेर्यो होला त ?

यो जान्ने चाहना सबैमा नहुने कुरै भएन । आफ्नो बारेमा जान्न अरु कसैले चाहँदा रहेछन् भन्ने कुरा थाहा पाउँदा मख्ख होइन्छ सायद । कोही मानिस तपाइँको बारेमा जान्नका लागि पटक पटक तपाइँको फेसबुकको टाइमलाइनमा आइरहन्छ । तर तपाइँलाई भने पत्तो नै छैन । चिन्ता नगर्नुस्, आज हामी यस्तो तरीका प्रस्तुत गर्दैछौँ, जसबाट तपाइँले तपाइँको फेसबुक प्रोफाइल कसले हेर्यो भन्ने कुरा पत्ता लगाउन सक्नुहुन्छ । यसका लागि निम्नानुसारको विधि अपनाउनुहोस् :

१) सबैभन्दा पहिलो आफ्नो फेसबुक प्रोफाइल खोल्नुहोस् । आफ्नो प्रोफाइल पेजको सोर्स कोड पत्ता लगाउनका लागि कि बोर्डमा Ctrl+U दबाउनुहोस् । यसो गर्दा तपाइँको फेसबुक प्रोफाइल पेजको सोर्स कोडवाला पेज खुल्नेछ ।

२) त्यसपछि आफ्नो किबोर्डमा Ctrl+F दबाउनुहोस् । यसो गर्दा एक सर्च बक्स खुल्नेछ । उक्त सर्च बक्समा {“list”: लेखेर Enter दबाउनुहोस् ।

  
यसो गरेसँगै स्क्रिनमा ती मानिसहरुको फेसबुक प्रोफाइल आइडी देखिने जसले हालै तपाइँको फेसबुक प्रोफाइल हेरेका छन् । तपाइँको फेसबुक प्रोफाइल सबैभन्दा धेरै पटक हेर्ने मानिसको फेसबुक आइडी सबैभन्दा माथि देखिनेछ ।

३) त्यसपछि एक नयाँ ट्याब खोल्नुहोस् । उक्त ट्याबको एड्रेसबारमाा facebook.com/प्रोफाइल आडी हालेर इन्टर बटन थिच्नुभयो भने तपाइँको फेसबुक प्रोफाइल हेर्ने मानिसको फेसबुक प्रोफाइल हेरेर उसको बारेमा थप कुरा बुझ्न सक्नुहुन्छ ।

बियरको खाली क्यानले बढाउँछ तपाईंको इन्टरनेट स्पिड, हेर्नुहोस् भिडियो

घर होस् कि अफिस, धेरैजसो ब्रोडब्यान्ड इन्टरनेटमा स्लो स्पिडको समस्या हुने नै गर्दछ । यस्तो अवस्थामा काम गर्न मुश्किल हुन्छ तर अब बियरको खाली क्यानको प्रयोगले ब्रोडब्यान्डको स्पिडमा प्वाँख लगाउन सकिन्छ । यो तरिकालाई अहिलेसम्म धेरै मानिसहरुले प्रयोग गरिसकेका छन् । प्रयोग गर्ने व्यक्तिहरुले पनि यसलाई उपलब्धिमुलक भएको बताएका छन् ।यसरी प्रयोग गर्नुहोस्, खाली बियरको क्यानको प्रयोगः

एउटा खाली बियरको क्यान लिनुहोस् ।

क्यानमा माथि लागेको बिर्कोको सिललाई हटाउनुहोस् ।

क्यानको मुनीपट्टीको भागलाई पनि काटिदिनुहोस् ।

त्यसपछि क्यानको माथिल्लो भागलाई लगभग ९० प्रतिशत काटिदिनुहोस् ।

त्यसपछि क्यानको माथिल्लो भागदेखि तल्लो भागतर्फ एउटा चिरा बनाएर त्यसलाई फैलाउनुहोस् ।

यो क्यानको माथिल्लो भागमा दुबैतर्फ टाँसिने टेप लगाइदिनुहोस् र तपाईंको ब्रोडब्यान्ड राउटरको एन्टिनामा टाँसिदिनुहोस् ।

यदि तपाईं यस्तै तरिका आफ्नो राउटरको दुबै एन्टिनामा गर्नुहुन्छ भने तपाईंको इन्टरनेटको स्पिड बढ्ने गर्दछ ।

भिडियोको लागी यहाँ क्लिक गर्नुहोस्।

झुक्किएर म्यासेज सेन्ड भयो? ल यसरी फिर्ता गर्नुहोस्

  

सूचना आदान–प्रदानका लागि कुनै जमानामा कटुवाल प्रथा, हाते चिठ्ठी, गाउँघरमा, परेवाको प्रयोग, आकाशवाणी, हुँदै अहिले इमेलको प्रयोग आधुनिक जीवनको हिस्सा नै बनेको छ । तर, यसको प्रयोग गर्दा कहिलेकाहीँ हैरानीमा पनि परिन्छ । झुक्किएर डकुमेन्ट गलत आइडीमा सेन्ड भइदिन्छ या आइडी सही हुँदाहुँदै पनि अर्कै फाइल परिदिन समेत सक्छ । 
यदि यस्तो समस्याबाट जिमेल प्रयोगकर्तालाई केही राहत मिल्ने भएको छ । गुगलले इमेल ‘अनडु सेन्ड’ अर्थात् पठाएको डकुमेन्ट फिर्ता गर्ने सिस्टम सार्वजनिक गरिदिएको छ । तर, इमेल सेन्ड गर्दा भएको गल्ती तुरुन्त सच्याउनुपर्ने हुन्छ । यसका लागि तल हेर्नुहोस के के गर्ने 
१. आफ्नो जिमेल लगइन गरिसकेपछि सबैभन्दा माथि दायाँपट्टि रहेको पांग्राजस्तो देखिने आइकनमा क्लिक गर्नुहोस् । त्यहाँ तपाईंले पाउने केही विकल्पमध्ये सेटिङ मेनुमा जानुहोस् ।
२. सेटिङ मेनुमा रहेको जनरल ट्याबमा प्रवेश गरेर क्लिक गर्नुहोस् । विभिन्न विकल्पहरू आउँछन् । त्यहाँ भेटिने अनडु सेन्ड फिचरको अगाडि रहेको कोठामा क्लिक गरेर एक्टिभेट गर्नुहोस् ।
३. तपाईंले कुनै आइडीमा पठाएको इमेललाई अब कति समयमा अनसेन्ड गर्ने भन्ने विकल्पमा १० सेकेन्ड तोकिएको भेट्नुहुनेछ । तर, तपाईंलाई आफ्नो इच्छाअनुकूल ५, १०, २० या ३० सेकेन्डको अवधि छान्न सक्नुहुनेछ ।
४. यो फिचर सुरु गरिसकेपछि अब तपाईंले कसैलाई इमेल गर्नुभयो, तर तत्कालै सच्याउनुपर्ने भयो भने जिमेल विन्डोको माथिपट्टि आउने पहेँलो बाकसमा दिइएको अनडु अप्सनमा क्लिक गर्नुहोस् ।
५. क्लिक गरेपछि सुरुमा इमेल गर्नुअघिको अवस्था अर्थात् कम्पोज इमेल खुल्नेछ । त्यसपछि तपाईंले आफूले पहिले पठाएको इमेल सुधार गरेर पठाउन सक्नुहुन्छ या इमेल नै रद्द गर्न पनि सक्नुहुन्छ।

आइफोनले गर्न सक्ने १५ अनौठा काम

हामी आइफोन दिनमा सयौंपटक प्रयोग गर्छौं, फोन गर्न, म्यासेज गर्न र तस्वीर खिच्न र इन्टरनेट चलाउन । तर, आइफोनमा तपाईको दैनिकीलाई सहज बनाउन र फोन प्रयोगको अनुभवलाई अतुलनीय बनाउन धेरै रोचक फिचरहरु राखिएको छ जसबारे तपाईंलाई अहिलेसम्म थाहा नहुनसक्छ । कतिपय यस्ता फिचर सेटिङ् अप्सनभित्र निहीत छन् त कतिपय होम स्क्रिन स्लाइड गरेर पनि प्रयोग गर्न सकिन्छ । आउनुहोस् आज हामी यस्तै फिचरबारे जानकारी दिंदै छौं ।


१. स्क्रिन नखोली म्यासेज रिप्लाई गर्नुहोस्:


आइफोनको स्क्रिन् लक् नखोलीकनै पनि तपाईले प्राप्त म्यासेजको रिप्लाई दिन सक्नुहुन्छ । यसका लागि तपाईले आइफोन स्क्रिनको सवैभन्दा माथिल्लो भागबाट स्क्रिन डाउन गरि नोटिफिकेसन खण्डमा जान सक्नुहुन्छ । यहाँ तपाईले म्यासेज रिप्लाई अप्सन् देख्नुहुनेछ । त्यसलाई केहीबेर थिचेपछि तपाईले रिप्लाई गर्न सक्नुहुन्छ । यसका लागि स्क्रिन् अनलक् गरिराख्नु पर्दैन ।

  


२. कुन एपले धेरै ब्याट्री खपत गरिरहेको छ थाहा पाउनुहोस्:


सधैं किन आइफोनको ब्याट्री चाँडो सकिइरहेको छ भन्ने थाहा पाउन चाहनुहुन्छ ? यसका लागि तपाईले सेटिङमा गएर ‘जनरल’ भित्र ‘युजेज’ अप्सन खोल्नुहोस् । त्यहाँ भित्र तपाइँले ब्याट्री युजेज् अप्सन् हेर्नुभयो भने कुन एपले धेरै ब्याट्री खपत गरिरहेको छ भन्ने प्रस्ट जानकारी दिने छ ।

  


३. पठाएका अडियो र भिडियो म्यासेज दुई मिनेटमै हराउने बनाउनुहोस्:


तपाईंले आफ्नो साथीलाई पठाएका अडियो वा भिडियो सन्देश दुई मिनेटभित्रै नष्ट हुने बनाउन चाहनुहुन्छ भने आइफोनमा यो सुबिधा उपलब्ध छ । यसका लागि तपाईंले सेटिङभित्र म्यासेज अप्सनमा जानुभयो भने त्यहाँ अडियो र भिडियोका लागि अप्सन पाउनुहुनेछ । त्यहाँ तपाईले दुई मिनेटभित्र म्यासेज नष्ट हुने सेवा क्रियाशिल गर्ने अप्सन देख्नुहुनेछ ।

  


४. आफ्नो लोकेसन साथीलाई सेयर गर्नुहोस्:


यदि तपाईं साथीसँग म्यासेजमा कुरा गर्दै हुनुहुन्छ र आफ्नो लोकेसनबारे नक्सासहित जानकारी दिन चाहानुहुन्छ भने आइफोनमा यो सुबिधा उपलब्ध छ । त्यसका लागि म्यासेजको सवैभन्दा माथि दाहिनेपट्टी रहेको ‘डिटेल’ अप्सन छान्नुहोस् । त्यहाँ तपाईले ‘सेण्ड माइ लोकेसन’ अप्सन छान्न सक्नुहुन्छ ।

  

५. आफु बसेको लोकेसनबारे साथी र परिवारलाई थाहा दिनुहोस्:

यदि तपाई आफु कहाँ-कहाँ यात्रा गरिरहेको छु भन्ने सूचना आफ्ना साथी वा परिवारलाई दिन चाहानुहुन्छ भने तपाईले अघिल्लो अप्सनमा भनिएजस्तै प्रकृया फलो गर्नुहोस् । मात्र ‘सेण्ड माई लोकेसन’ को सट्टा ‘सेयर माई लोकेसन’ अप्सन छनौट गर्नुहोस् । लोकेसनको सूचना एक घण्टा, दिनभरी वा सधैभरीका लागि दिनेगरी बिकल्प सेट् गर्न सकिन्छ ।

  


६. निश्चित ब्यक्तिको म्यासेज नआउने बनाउनुहोस्:


तपाईंले कुनै खास साथीबाट निश्चित समयका लागि म्यासेज नोटिफिकेसन् नआउने बनाउन सक्नुहुन्छ । त्यसका लागि तपाई म्यासेज थ्रेड्मा गएर ‘डु नट डिस्टर्व’ मोड अन गर्न सक्नुहुन्छ । अब सो ब्यक्तिले पठाएको म्यासेज नोटिफिकेसन् तपाईको मोबाइल आउने छैन।

  


७. सामूहिक म्यासेजबाट बाहिरिनुहोस्:

ग्रुप एसएमएस एकैपटक धेरै साथीमाझ पुग्नका लागि सजिलो उपाय हो तर कहिलेकाहीं यो दिक्क लाग्दो पनि हुनसक्छ । यदि तपाई यस्तो सामूहिक एसएमएस संजालबाट बाहिरिन चाहनुहुन्छ भने म्यासेज डिटेलमा गएर ‘लिभ कन्भरसेसन्’ अप्सन् छान्नुहोस् ।

  


८. ग्रुप एसएमएसको नामाकरण गर्नुहोस्:


यदि तपाई कुनै खास मानिसहरुसँग साझा बिषयमा सामूहिक छलफल गर्न म्यासेज प्रयोग गरिरहनुभएको छ भने हरेकलाई म्यासेज फरवार्ड र कम्पोज गरिरहनुभन्दा ग्रुपमा पठाउन सजिलो हुन्छ । यस्तो ग्रुपलाई तपाईंले नामाकरण गर्न सक्नुहुन्छ । जस्तो कि कलेजका साथीहरुसँग एउटा ग्रुप, कार्यालय सहकर्मीसँग छलफल गर्न अर्को ग्रुप आदि । ग्रुप नामाकरणका लागि ग्रुपको डिटेलभित्र गएर सवैभन्दा माथि रहेको खाली ठाउँमा ग्रुप नेम राख्न सकिन्छ ।

  

iphone tips 8


९. म्यासेज फरवार्ड गर्नुहोस्:

पहिलोपटक आइफोन प्रयोग गर्नेहरुका लागि सवैभन्दा दिक्क लाग्ने बिषय हो यो। आइफोनमा सजिलैसित म्यासेज फरवार्ड अप्सन नभेटिनु । त्यसका लागि तपाईले इनबक्समा प्राप्त एसएमएस माथि एकछिन प्रेस गर्नुभयो भने ‘मोर’ भन्ने अप्सन देख्नुहुने छ । मोरमा थिचेपछि तपाईको म्यासेजमा ठिक चिन्ह लागेको देखिने छ र त्यसको तलतिर फरवार्ड चिन्ह देख्नुहुनेछ । फरवार्ड चिन्ह थिचेपछि नम्बर टाइप गर्ने अप्सनमा पुग्नुहुनेछ ।

  


१०. तपाईं कहाँकहाँ पुग्नुभयो ? नालीबेली हेर्नुहोस्:


तपाई बिगत एक महिनायता कहाँ कहाँ जानुभयो ? यदि त्यसको जानकारी लिन मन छ भने आइफोनले सवै बताइदिने छ । तर, तपाईंको फोनको लोकेसन सर्भिस भने अन् भएको हुनुपर्छ । यसका लागि सेटिङ अन्तर्गत् प्राइभेसीभित्र लोकसेन सर्भिसमा गई फ्रिक्वेन्ट लोकेसन छनौट गर्नुहोस् र हिस्ट्री सेक्सन् हेर्नुहोस् । अब तपाईले कुन कुन ठाउँमा कतिपटक पुग्नुभयो सबै देख्न सक्नुहुन्छ ।

  


११. फोनको वास्तविक सिग्नल थाहा पाउनुहोस्:


सामान्यतयाः तपाईको फोन स्क्रीनको टपमा देखिने टावरको चिन्ह हेरेर तपाईको फोनमा कति बलियो सिंग्नल छ भन्ने थाहा पाउनुहुन्छ । तर, यस्तो सिग्नल सधै सही नहुन सक्छ । यदि तपाईले सही सिग्नल स्ट्रेन्थ थाहा पाउन मन छ भने फोन डायलरमा गएर एउटा फर्मूला डायल गर्नुपर्छ ।

*3001#12345#* यो नम्बर डायल गरेर कल गर्नुभयो भने एउटा विन्डो खुल्ने छ जहाँ बायाँपट्टी सवैभन्दा माथि तपाईले एउटा अंक देख्नुहुनेछ । अक्सर माइनसबाट सुरु हुने यो अंक माइनस ४० देखि माइनस १३० सम्मको रेन्जमा देखिन्छ । यदि माइनस ४० देख्नुभयो भने त्यो सवैभन्दा बलियो सिंग्नल हो, यदि धेरै अंक वा अधिकमा १३० सम्म देख्नुभयो भने त्यो सवैभन्दा कमजोर सिंग्नल हो ।

  


१२. फोन हल्लाउनुहोस्, म्यासेज सच्याउनुहोस्:


यदि तपाईले कुनै म्यासेज लेखिरहनुभएको छ र त्यो गल्ती भयो भने सच्याउनका लागि सजिलो तरिका छ । फोन हल्लाउनुभयो भने यसले सोध्नेछ तपाईले अन डु अर्थात मेट्न चाहनुहुन्छ भनेर ।

  

१३. ब्याट्रीलाई छिटो चार्ज गर्नुहोस्:

आइफोनमा सामसुङमा जस्तो बुष्ट चार्जर सुबिधा छैन जसले गर्दा सामान्यतयाः अन्य फोनभन्दा आइफोन चार्जका लागि बढि समय लाग्न सक्छ । तर, तपाईले आइफोनलाई एरोप्लेन मोडमा लगेर अर्थात् फोनको सिग्नल अफ गरेर चार्ज गर्नुभयो भने तुलनात्मकरुपमा छिटो फोन चार्ज हुने छ ।

  

१४. भोल्युम् बटनले फोटो खिच्नुहोस्:


आइफोनमा रहेको यो सवैभन्दा आर्कषक फिचर हो जुन तपाईले थाहा नपाउनुभएको हुनसक्छ । ठूलो साइजको आइफोनबाट सेल्फी लिंदा अलिक असजिलो हुनसक्छ फोटो खिच्ने बटन थिच्न । यस्तो अबस्थामा साइडमा रहेको भोल्युम बटन थिचेर पनि सजिलोसित सेल्फी खिच्न सकिन्छ ।

  

१५. एकैपटकमा १० वटा सम्म फोटो खिच्नुहोस्:

सामान्यतया गुडिरहेको बस्तु खिच्दा वा हुलमुलमा खिचेको फोटो बिग्रने डर हुँदा एकैपटक मल्टिपल सट खिच्नुपर्ने हुन्छ । सामान्यतयाः महंगा डीएसएलआर क्यामेरामा मात्र यस्ता सुबिधा उपलब्ध हुन्थे । तर, अब तपाईले आइफोनबाटै एक सेकेण्डमा १० भन्दा बढि तस्वीर खिच्न सक्नुहुन्छ । यसका लागि तपाईले फोटो खिच्ने बटन थिचिराख्नुपर्छ । ब्रस्ट फोटोका रुपमा यी तस्वीरहरु तपाईको मोबाइलमा सेभ हुनेछन् ।

 

-एजेन्सीको सहयोगमा।