आइफोनको हेडफोनबाट गर्न सकिन्छ यी ८ काम

20140327-123447 pm.jpg
आइफोनको हेडफोनको प्रयोगले तपाई के–के गर्नुहुन्छ ? गीत सुन्ने, फोन उठाउने र काट्ने ? अक्सर मानिसहरु हेडफोनलाई यही रुपमा प्रयोग गर्छन ।
तर, आइफोनको हेडफोनमा यति धेरै फिचरहरु छन जुन तपाईले अहिलेसम्म प्रयोग नगर्नुभएको हुनसक्छ । यो सानो डिभाइसले तपाईको आइफोन प्रयोग अनुभवलाई निकै उन्नत बनाइदिन सक्छ, यदि प्रयोग गर्ने तरिकाबारे जान्नुभयो भने ।
यही हेडफोनका माध्यमबाट तपाईं घण्टी बजिरहेका बेला फोन काट्न सक्नुहुन्छ, गीत बजाउन, फरवार्ड गर्न, कुरा गरिरहेको कललाई होल्डमा राखेर अर्को कल उठाउन र तस्वीर लिन पनि सक्नुहुन्छ । जसले गर्दा तपाईले अधिकांश समय आइफोन खल्तीबाट झिक्नु पर्दैन् ।

१. गीत वा भिडियो बजाउन र रोक्न:

यदि तपाई गीत सुनिरहनुभएको छ र अचानक त्यसलाई रोक्न चाहानुहुन्छ भने तस्वीरमा देखाइएको सेन्टर बटनलाई थिच्नुहोस् । गीतलाई पुनः बजाउन चाहे सोही बटनलाई फेरि थिच्नुहोस् ।

२. गीतलाई फरवार्ड र रिवार्ड गर्न:

तपाईले हेरिरहेको भिडियो वा सुनिरहेको गीतलाई फाष्ट फरवार्ड गर्न वा रिवार्ड गर्न पनि यही बटन काम लाग्छ । यदि तपाई फाष्ट फरवार्ड गर्न चाहानुहुन्छ भने एकपटक बटन थिच्नुहोस र दोस्रोपटक केहीबेर थिचिराख्नुहोस् । रिवार्ड गर्न चाहानुहुन्छ भने यो बटनलाई तीनपटक थिच्नुपर्छ । तेस्रोपटकको थिचाई केही लामो हुनु जरुरी छ ।

20140327-123613 pm.jpg

३. कल स्वीच गर्न:

तपाईले साथीसँग कुरा गरिरहनुभएको छ । तर, कार्यालयबाट अर्को जरुरी फोन आयो भने तपाईले कुरा गरिरहेको कललाई होल्ड गरेर जरुरी कल उठाउन सक्नुहुन्छ । कुरा गरिसकेपछि दुई सेकेण्डसम्म बटन थिचिराख्नुभयो भने कुरा गरिरहेको कल समाप्त हुन्छ ।

४. तस्वीर खिच्न:

हेडफोनको आवाज बढाउने बटन थिचेर तपाई तस्वीर खिच्न सक्नुहुन्छ । खासगरि सेल्फी खिच्न यो तरिका उत्तम हुनसक्छ । यो फिचरले आइफोनको क्यामेरा एपमा मात्र काम गर्छ, इन्स्टाग्राम लगायतका पछि इन्स्टल गरिएका एपमा भने काम गर्दैन् ।

20140327-123900 pm.jpg

५. अघिल्लो गीत सुन्न

तपाईले सुनिरहेको गीत राम्रो लागेन र स्कीप गर्न चाहानुभयो भने पनि यही बटनले काम गर्छ । यदि तपाई गीत स्कीप गरि अघिल्लोमा जान चाहानुहुन्छ भने यो बटनलाई दुईपटक थिच्नुहोस, तीनपटक थिच्नुभयो भने पछिल्लो गीत सुन्न सकिन्छ ।

६. फोन उठाउन र राख्न:

यो फिचर भने सामान्यतयाः धेरै प्रयोगकर्ताले प्रयोग गर्छन् । आइफोनको हेडफोनको आम प्रयोग गीत, आवाज ठूलो सानो बनाउन र फोन उठाउन तथा राख्न गरिन्छ ।

७. फोन काट्न:

आगमन कल काटन चाहानुहुन्छ भने पनि यही हेडफोन बटनले सहयोग गर्ने छ । यो बटनलाई केहीबेर थिचिराख्नुभयो भने कल अस्वीकार हुन्छ । कल अस्वीकार हुँदा दुईपटक विप टोन सुनिन्छ ।

८. सिरी अर्थात भ्वाइस कन्ट्रोल गर्न:

यदि तपाई आइफोन ४ एसभन्दा पछिल्ला भर्सनका आइफोन चलाइरहनुभएको छ भने सिरी अर्थात भ्वाइस कन्ट्रोल फिचर उपलब्ध छन् । भ्वाइस कन्ट्रोलका लागि हेडफोन बटन सहयोगी हुनसक्छ ।

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s